Western Gateway | Landing page

Dod â STEP i Lannau Hafren

Nod y cais ar gyfer Glannau Hafren, sydd yng nghanol Porth y Gorllewin, yw dod â safle ynni ymasiad prototeip y DU i'r ardal. Mae ein cais yn cynnig y cyfle gorau i ddatgloi'r ynni glân, gwyrdd a diogel hwn wrth fuddsoddi mewn cymunedau lleol hefyd.

Beth yw STEP?

Mae Partneriaeth Porth y Gorllewin yn arwain cais i sicrhau safle ynni ymasiad prototeip y DU (STEP). Pe bai'n llwyddiannus, byddai'r cais yn creu £3.5 biliwn ychwanegol o allbwn, £1.36 biliwn mewn GYC a thros 30,000 o swyddi ar gyfer yr ardal.

STEP (Spherical Tokamak for Energy Production) yw rhaglen uchelgeisiol UKAEA i ddarparu safle ynni ymasiad prototeip sy'n rhoi'r DU ar lwybr i allu defnyddio'r tanwydd glân, gwyrdd a diogel hwn.

Disgwylir i Lywodraeth y DU gyhoeddi'r cais llwyddiannus ym mis Rhagfyr 2022

Byddai ein cais yn helpu i adfywio cymunedau o amgylch dwy ffatri sydd wedi'u dadgomisiynu ac yn cynnig cyfleoedd hanfodol i wella sefyllfa cymunedau ledled Cymru a Lloegr sydd mewn perygl o gael eu gadael ar ôl. Mae Porth y Gorllewin yn galluogi STEP i fanteisio ar arbenigedd ar draws ymchwil ymasiad, adeiladu, peirianneg a sgiliau digidol er mwyn sicrhau bod y DU yn aros ar flaen y gad o ran datblygu'r tanwydd glân, gwyrdd a diogel hwn i helpu'r byd i fynd i'r afael â’r newid yn yr hinsawdd.

Y Cynghorydd Toby Savage a'r Cynghorydd Mark Hawthorne,

Arweinwyr Cyngor De Swydd Gaerloyw a Chyngor Sir Swydd Gaerloyw ynghyd ag aelodau bwrdd Partneriaeth Porth y Gorllewin

Pam Glannau Hafren?

Glannau Hafren yw'r unig gais sy'n pontio dwy wlad o fewn y Deyrnas Unedig, gyda'r cyfle i roi cyfleoedd newydd i gymunedau ar ddwy ochr Afon Hafren, gan godi’r gwastad i’r rhai sydd mewn perygl o gael eu gadael ar ôl.

Mae gan ein hardal yr arbenigedd sydd ei angen o beirianneg ddatblygedig, adeiladu, gweithgynhyrchu a gwyddoniaeth tymheredd uchel i dechnoleg ddigidol a seiber. Mae hyn i gyd yn cael ei bweru gan ymchwil a dylunio arloesol a'n prifysgolion o fri rhyngwladol.

Cefnogir y cais gan dîm amrywiol o bobl gan gynnwys arbenigwyr academaidd, arbenigwyr yn y diwydiant, partneriaid yn y gadwyn gyflenwi, gwleidyddion a phobl leol.

Mae gan Lannau Hafren gysylltiadau trafnidiaeth heb eu hail, agosrwydd at ddinasoedd amrywiol cyfagos a mynediad i ardaloedd o harddwch naturiol, gan wneud Glannau Hafren yn lle gwych i fyw a gweithio ynddo.

Mae angen atebion ynni effeithiol ar y byd fel ynni ymasiad i fynd i'r afael â’r newid yn yr hinsawdd. Mae ardal Porth y Gorllewin yn darparu'r bobl a'r safle delfrydol i sicrhau bod y DU yn arweinydd byd-eang wrth ddatblygu'r ynni hanfodol hwn.

Ein Partneriaid

Magnox

Nuclear Decommissioning Agency

West of England Local Enterprise Partnership

Stroud District Council

Nuclear South West

Business West

West of England Combined Authority

Gloucestershire County Council

South West Nuclear Hub

Horizon Nuclear Power

South Gloucestershire and Stroud College

GFirst LEP

South Gloucestershire Council

Rhowch eich cefnogaeth. Cefnogwch gais Glannau Hafren

Mae Glannau Hafren yn un o 5 cais ar y rhestr fer i gynnal safle ynni ymasiad prototeip (STEP) y DU. Bydd y cais buddugol yn cael ei gyhoeddi ddiwedd 2022. Mae cais ynni ymasiad STEP Glannau Hafren yn gyfle anhygoel i'r bobl a'r busnesau ar draws Porth y Gorllewin. Mae'r gystadleuaeth yn gryf ac mae angen yr holl gefnogaeth y gallwn ei chael arnom i ddangos mai Glannau Hafren yw'r lle perffaith ar gyfer STEP. Rhowch eich cefnogaeth neu'ch sylwadau i ni gan ddefnyddio'r blychau isod. Cefnogwch ein cais a'n helpu i ddod ag Ymasiad STEP i Lannau Hafren.